ഒരു കൈയബദ്ധം. നാറ്റിക്കരുത്!!

 ഗുയ്സ്, ഇന്നലെ എനിക്കൊരു അബദ്ധം പറ്റി. പുതിയ പർച്ചെസിങ്ങിനായി ഞാനും വൈഫും കൂടി ഇന്നലെ കോയമ്പത്തൂർ പോയിരുന്നു. ആദ്യത്തെ പർച്ചേസിംഗ് കഴിഞ്ഞപ്പോ കയ്യിലെ പൈസയും എടിഎം ലിമിറ്റും തീർന്നതിനാൽ അടുത്ത കടയിൽ കേറി ആദ്യം തന്നെ ചോദിച്ചത് ഗൂഗിൾ പേ ഉണ്ടോന്നാണ്. ഉണ്ടെന്നു കടക്കാർ പറയുകയും ചെയ്തു ഞാൻ പിന്നെ കാണുന്നത് hdfc ബാങ്കിന്റെ QR കോഡ് ആണ്. സാധനങ്ങൾ ഒക്കെ എടുത്തു, ബില്ല് അടിച്ചു, എമൗണ്ട് പറഞ്ഞു. ഞാൻ ഉടനെ തന്നെ QR കോഡ് സ്കാൻ ചെയ്തു, കടയുടെ പേര് കാണിച്ചു, ക്യാഷ് ട്രാൻസ്ഫെർ ചെയ്തു, എല്ലാം ടക് ടക്കെന്ന് കഴിഞ്ഞു. 

എല്ലാം കഴിഞ്ഞപ്പോ കടക്കാർ പറയാ, ആരോട് ചോദിച്ചിട്ടാണ് ആ QR കോഡ് സ്കാൻ ചെയ്തു ക്യാഷ് അയക്കാൻ പറഞ്ഞത്? അങ്ങനെ ഒരു അക്കൗണ്ട് ഇല്ലത്രെ. എന്ത്? അക്കൗണ്ട് ഇല്ലെങ്കിൽ ക്യാഷ് പോകുമോ? ആ QR കോഡ് വെറുതെ വെച്ചതാണത്രേ. പിന്നെ വഴക്കായി, ബഹളമായി, അടിയായി. തമിഴ് പറഞ്ഞു കൊണ്ടിരുന്ന ഞാൻ നല്ല മലയാളത്തിൽ പറഞ്ഞു തുടങ്ങി, തമിഴ് പറഞ്ഞോണ്ടിരുന്ന കടക്കാർ നല്ല ഹിന്ദിയിൽ പറയാൻ തുടങ്ങി. കടക്കാർ പറയുന്നത്, QR കോഡ് ചെയ്യുമ്പോ ചോദിച്ചിട്ടു വേണ്ടേ ചെയ്യാനെന്നു, ഞാൻ ചോദിച്ചത്, നിങ്ങടെ കടയിൽ ഇല്ലാത്ത QR കോഡ് എന്തിനാ കൊണ്ട് വെച്ചതെന്ന്, എന്റെ ഷോപ്പിലും ആൾക്കാർ ഇത് ചെയ്യുന്നുണ്ട്, എല്ലാരും പൈസ അയച്ചിട്ട്, ഇതാ അയച്ചു എന്നും പറഞ്ഞു മൊബൈൽ കാണിക്കുകയേയുള്ളു എന്നും. ഇല്ലാത്ത QR കോഡ് എന്തിനാ വെച്ചതെന്ന് ചോദിക്കുമ്പോ കടക്കാർ കൈ മലർത്തി. 

ഏതായാലും പൈസ പോയല്ലോ, അത് തിരിച്ചു പിടിക്കാനുള്ള മാർഗം നോക്കണം. ഇല്ലാത്ത അക്കൗണ്ട് ആണേൽ ക്യാഷ് 7 ഡേയ്സ് ഇത് തിരിച്ചു വരും. ഉള്ള അക്കൗണ്ട് ആണേൽ ക്യാഷ് തിരിച്ചു കിട്ടണേൽ ബാങ്ക് വഴി ഡീൽ ചെയ്യണം. ഞാൻ ഉടനെ കാനറാ ബാങ്ക് മാനേജരെ വിളിച്ചു. പുള്ളി കൂൾ ആയി പറഞ്ഞു, ഒന്നും പേടിക്കാനില്ല, പൈസ തിരിച്ചു കിട്ടും, നമുക് ശ്രമിക്കാം, ബട്ട്, നാളെ ക്രിസ്മസ് ആണ്, ശനിയും ഞായറും ബാങ്ക് ഹോളിഡേ ആണ്. തിങ്കളാഴ്ച നേരെ ബാങ്കിലേക്ക് പോന്നോളൂ. എന്നിട്ടും എനിക്ക് സമാധാനമായില്ല. ഞാൻ HDFC ബാങ്ക് കസ്റ്റമർ കെയറിൽ വിളിച്ചു. ഒന്നും പേടിക്കാനില്ല, പൈസ കിട്ടും. ബാങ്കിനെ ബന്ധപ്പെട്ടാൽ മതി. എന്നിട്ടും എനിക്ക് സമാധാനമായില്ല. ഞാൻ കാനറാ ബാങ്ക് കസ്റ്റമർ കെയറിൽ വിളിച്ചു. കസ്റ്റമർ കെയർ ചേട്ടൻ പറഞ്ഞു, കുഴപ്പമില്ല, ക്യാഷ് കിട്ടും, എല്ലാം ശെരിയാക്കാം. എന്നിട്ടപ്പുള്ളി പറയുവാ, ആരോട് ചോദിച്ചിട്ടാ, അവർ അങ്ങനെ ഒരു QR കോഡ് ഒട്ടിച്ചത്? രണ്ടെണ്ണം അവന്മാർക്കിട്ടു പൊട്ടിക്കാൻ. ഇത് കേട്ടപ്പോൾ, എന്റെ കണ്ട്രോൾ പോയി, ഞാൻ ഫോൺ വൈഫിനു കൊടുത്തു. എല്ലാം കേട്ടിട്ട് വൈഫ് പോയി പറയാനുള്ളതൊക്കെ കടക്കാരോട് പറഞ്ഞു. 

സമയം ഒരുപാട് വൈകിയതിനാലും, തിരിച്ച വീട്ടിൽ എത്തേണ്ട അത്യാവശ്യം ഉള്ളതിനാലും പറയാനുള്ളതൊക്കെ പറഞ്ഞു തീർത്തിട്ട് ഞങ്ങൾ അവിടെ നിന്നും ഇറങ്ങി. തിരിച്ചു പോകുന്ന വഴി, കാനറാ ബാങ്ക് മാനേജർ ആയ കസിന്റെ ഭർത്താവിനെ വിളിച്ചു കാര്യം പറഞ്ഞു. അവൻ പറഞ്ഞത്, പൈസ തിരിച്ചു കിട്ടും. പക്ഷെ മൂന്നു ദിവസം ബാങ്ക് ലീവ് ആയതു കൊണ്ട് തിങ്കളാഴ്ചയെ എന്തെങ്കിലും ചെയ്യാൻ പറ്റുള്ളൂ. ഒരു കുഴപ്പവുമില്ല. ധൈര്യമായിട്ടിരി. അങ്ങനെ ഞങ്ങൾ വീട്ടിലേക്ക് വണ്ടി വിട്ടു. വരുന്ന വഴി, മോന് കുറച്ചു ടോയ്സും വാങ്ങി. 

NB 1: ഇനി മേലാൽ ഞാൻ ഗൂഗിൾ പേ ചെയ്യില്ല, ചെയ്താലും ചോദിച്ചിട്ടേ ചെയ്യുള്ളു.

NB 2: ഇത്രേം നാളും ഫ്രീലാൻസ് ഡിസൈനർ ആയിരുന്ന ഞാൻ ഫുൾ ടൈം ജോബിലേക്കു മാറാൻ പോകുന്ന ഹാപ്പി ന്യൂസിന്റെ ഓഫർ ലെറ്റർ  സർപ്രൈസ്‌ ആയി വൈഫിനെ കാണിക്കാൻ കാത്തിരുന്നതായിരുന്നു ഞാൻ. അത് ചീറ്റി പോയി. പക്ഷെ അത് കാണിച്ചപ്പോ അവളൊന്നു ഹാപ്പി ആയി.

NB 3: ഇന്നുരാവിലെ ആ കടക്കാരൻ വിളിച്ചിരുന്നു. എന്നിട്ടു പറയുവാ, ആ QR കോഡ് അവരുടെ സ്വിപിങ് മെഷീനിന്റെ ആണ്, കുറച്ചു കാലമായി യൂസ് ചെയ്തിരുന്നില്ല. മറന്നു പോയതാണ്. തിങ്കളാഴ്ച അക്കൗണ്ടിൽ പൈസ വരും. അപ്പൊ ഈ എടുത്തു വെച്ച ഐറ്റംസ് പാർസൽ ആയി അയക്കണോ, അതോ പൈസ തിരിച്ചു തന്നാൽ മതിയോ എന്ന്. 

എന്താ ചെയ്യാ!!