ഒരു പാൽ കറന്ന കഥ

ഞാൻ കുഞ്ഞായിരുന്നപ്പോ അനിയനുണ്ടായ സമയത്തു എന്നെ അങ്ങ് നാട്ടിൽ വല്യമ്മച്ചീടെ അടുത്താക്കി. എന്നും വെളുപ്പിന് വല്യമ്മച്ചി പശുവിന്റെ പാൽ കറക്കാൻ പോകും. എനിക്ക് വല്യമ്മച്ചിയേയും പശുവിനെയും  പേടിയായതിനാൽ ദൂരെ മാറിനിന്നാണ് ഞാൻ ഇത് കാണുന്നത്. പുറം തിരിഞ്ഞിരിക്കുന്ന വല്യമ്മച്ചി എന്താണ് ചെയ്യുന്നതെന്ന് അറിയില്ലെങ്കിലും അങ്ങനെ ഇരുന്നാൽ ശൂ ശൂ എന്ന്  പാൽ വരുമെന്നാണ് ഞാൻ കരുതിയിരുന്നത്. 

ഒരു ദിവസം വെളുപ്പാൻ കാലത്തു കുഞ്ഞമ്മ നോക്കിയപ്പോൾ എന്നെ കാണുന്നില്ല. അവസാനം തൊഴുത്തിന്റെ അടുത്ത് മുകളിൽ പറഞ്ഞ പശൂന്റെ കീഴിൽ നിന്നും മാനത്തോട്ടു നോക്കിയിരിക്കുന്ന നിലയിൽ എന്നെ കണ്ടുകിട്ടി. പിടിച്ചു രണ്ടെണ്ണം പൊട്ടിച്ചപ്പോ ഞാൻ മണിമണി പോലെ സത്യം പറഞ്ഞു. ഞാൻ വല്യമ്മച്ചി ചെയ്യുന്ന പോലെ പുറം തിരിഞ്ഞു ഇരുന്നു ട്രൈ ചെയ്തതാണത്രേ. അങ്ങനെ ഇരുന്നാൽ പാല് ശൂ ശൂ എന്നു വരുമല്ലോ. 


 ആ പശു പാവമായതു കൊണ്ട് ഞാൻ ഇപ്പോഴും ജീവനോടെ ഉണ്ട്.